ಅಪ್ಪೆನ ಮಡಿಲ್
ಮೋಕೆದ ಉಡಲ್
ಮಮತೆದ ಶಾಂತ ಕಡಲ್
ಒಂರ್ಬ ತಿಂಗೊಳ್ದ
ಬೇನೆನ್ ಸಹಿಸೊಂದ್
ಅಮ್ಮ ಪನ್ಪಿ ಲೆಪ್ಪುಗ್
ಮೋಕೆಡ್ ಕಾತೊಂದ್
ಕಿನ್ನಿ ಬೆರಳ್ ಪತ್ ದ್
ಕೈತುತ್ತ್ ಕೊರುದ್
ಜೋಗುಳದ ಪೊರ್ಲು ಪದೊಳ್
ತೊಟ್ಟಿಲ್ದ ಬಾಲೆದ ನಲಿಕೆ
ತೆರಿಯಂದೆ ಮೂಡುನ ತೆಲಿಕೆ
ಬುಲ್ಪಾಟದ ಹಠೊನೀರ್ ತಡೆತೊನಿಯರ್
ಚಂದಮಾಮನ್ ತೂಪಾವುನ ಪೊರ್ಲು
ಪತ್ತೊಂದ್ ನುಪ್ಪುದ ಬಟ್ಟಲ್
ಮಂಗಟಾದ್ ಈರ್ ಉನ್ಪಾಯರ್
ಜೋಕೆಡ್ ತಾಂಕಿಯರೀರ್
ಬೆಗರ್ ಸೀಂಟ್ ದ್ ಬೆನ್ ದ್
ಅರೆ ಬಂಜಿಡ್ ಜೆತ್ತರೀರ್
ಬಾಲೆಗ್ ಬಂಜಿದಿಂಜ ಉನ್ಪಾದ್
ಅಪ್ಪೆನ ಋಣನಾವೆ ತೀರಾವರೆ?
