Sunday, June 26, 2022

ಕಂಬನಿ

ಕಂಬನಿ ಕಣ್ಣು ದಾಟಲಿ

ನೋವಿನ ಆಳ ನೀಗಲಿ

ಚಿಂತೆಯೆಂಬ ಸಂತೆಯಲಿ

ಮನಸ್ಸು ಹಗುರವಾಗಲಿ

ಮನವ ಕಾಡುವ ವ್ಯಥೆಗಳಿಗೆ

ಮೌನವಾದ ದುಃಖ ಕಥೆಗಳಿಗೆ

ಹೃದಯ ನೊಂದ ಕಹಿ ಗಳಿಗೆ

ಅಸಹಾಯಕತೆಯ ಮರು ಗಳಿಗೆ

ಕಂಬನಿ ಕಣ್ಣು ದಾಟಲಿ...............

ನೋವಲ್ಲೇ ನಗುವ ಕಲೆಯೊಂದಿದೆ

ಈ ಬಾಳ ನೌಕೆಯ ತೇಲಿಸುತ್ತಿದೆ

ನಗುವಲ್ಲೇ ಈ ಜಗವ ಗೆಲ್ಲುತ್ತಿರೆ

ಸೋಲಿಗೂ ಭಯದ ಮುನ್ಸೂಚನೆ

ಮೊಗದ ಚೆಲುವಿನ ಆ ಕಣಜಕೆ

ಮುಗುಳ್ನಗೆಯ ರತ್ನದ ಹೊಸ ಪೋಣಿಕೆ

ನಗುವ ಹಂಚುವ ಮಹತ್ಕಾರ್ಯಕೆ

ನೋವೇ ಶರಣಾಗಿ ಸೋತು ಹೋಗಿದೆ