ಹೊಂಬೆಳಕು

ಅಂಧರ ಮನದಲ್ಲಿ ದೃಷ್ಟಿ ಬೆಳಕು
ಅಜ್ಞಾನಿ ಮನದಲ್ಲಿ ಜ್ಞಾನ ಬೆಳಕು
ಅನಾಥನ ಮನದಲ್ಲಿ ಮಮತೆ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಬಡವನ ಮನದಲ್ಲಿ ಭರವಸೆ ಬೆಳಕು
ಬಲ್ಲಿದನ ಮನದಲ್ಲಿ ಕರುಣೆ ಬೆಳಕು
ಮತಾಂಧನ ಮನದಲ್ಲಿ  ಏಕತೆ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಆಲಸಿ ಮನದಲ್ಲಿ ಪರಿಶ್ರಮ ಬೆಳಕು
ಪರಿಶ್ರಮಿ ಮನದಲ್ಲಿ ನೆಮ್ಮದಿ ಬೆಳಕು
ಸಾಧಕರ ಮನದಲ್ಲಿ ವಿಜಯ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಸಾಹಸಿ ಮನದಲ್ಲಿ ಶೌರ್ಯ ಬೆಳಕು
ಕೋಪಾಂಧನ ಮನದಲ್ಲಿ ತಾಳ್ಮೆ ಬೆಳಕು
ಅತೃಪ್ತನ ಮನದಲ್ಲಿ ತೃಪ್ತಿ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು