ಗಗ್ಗರದ ಐಸಿರ
ಕಣ್ಣ್ ದಿಂಜ ತೂನಗ
ಮನಸ್ ದ ಬೇಸರ
ಮಾಜಿದ್ ಪೋನಗ
ಅರೆದೆಲದ ರಂಗ್ ದ ಮೋನೆ
ಸಿರಿಮಡಲ್ ಡ್ ತೆಲಿಪುನ ಗಗ್ಗರನೆ
ಮುಕ್ಕಾಲ್ ಮೂಜಿ ಗಳಿಗೆ
ಸತ್ಯದ ಮದಿಪು
ಒಂಜಿ ಗಿಂಡೆ ಅಸರ್ ಗ್
ಒಲಿಯುನ ಮನಸ್
ಪಿಂಗಾರ್ ಪುರ್ಪೊಡ್ ಭರವಸೆದ ಬೊಲ್ಪು
ಸಿರಿ ಚಾವಡಿಡ್ ನಲಿಪುನ ದೈವೊಳ್
ಕಡೆಕಣ್ಣ್ ದ ಕೊಡಿ ದುಃಖ ಒರೆಸರೆ
ಬರುವೆರ್ ಸತ್ಯದ ಮಂತ್ರ ಮಾಯೆಲು
ಕಷ್ಟ ಪಂದ್ ಕೈ ಮುಗಿದ್ ನಟ್ಟ್ ನಗ
ಕೈ ಪತ್ತ್ ಕಾಪುವೆರ್ ಸತ್ಯದ ಕಾರ್ಣಿಕೊಳ್
ಪರಶುರಾಮ ಸೃಷ್ಟಿದ ಈ ಪುಣ್ಯ ಮಣ್ಣ್ ಡ್
ದೈವಾರಾಧನೆ ತುಳುನಾಡ್ ದ ಉಸಿರ್
ಭಯ ಭಕ್ತಿಗೊಂಜಿ ಈ ಪುದರ್
ಸಂಸ್ಕೃತಿ ದ ಸೊಬಗ್ ಗ್ ತುಡರ್
No comments:
Post a Comment