ಭಾವಾಮೃತ ಬಿಂದು

ಭಾವದ ಈ ಸೆಲೆ
ಭಾವಾಂತರಂಗವ ಮೀಟಿದೆ
ಕನಸಿನ ಕಣ್ ರೆಪ್ಪೆಗೆ
ಕಣ್ಣ ಹನಿಯು ಮುತ್ತಿಕ್ಕಿದೆ

ಕಾಣದ ಕಡಲಿಗೆ
ಮನವೇಕೋ ಹಾತೊರೆದಿದೆ
ಗಗನದ ಬಿಳಿ ಚುಕ್ಕಿಗೆ
ಮನವಿಂದೇಕೋ ಮರುಳಾಗಿದೆ

ಸಾವಿರ ಕನಸುಗಳು
ಸ್ಮೃತಿ ಪಟಲವ ಮುತ್ತಿದೆ
ವಾಸ್ತವಕ್ಕೆ ಬರಲಿಂದು
ಗೊಂದಲವು ಹೆಡೆಬಿಚ್ಚಿದೆ

ಸಾಗಿ ಬರುವ ಹಾದಿ
ಸಾಗರೋಪಾದಿ
ಬಾಳ ಪಯಣವಿದು
ಎಂದು ಮುಗಿಯದ ಅಧ್ಯಾಯ

ಕಷ್ಟ ಸುಖದ ಈ ತೇರು
ಎಳೆಯಲೇಬೇಕು ನೀನೂ
ಒಬ್ಬಂಟಿಯಾದರೂನೂ
ಧೃತಿಗೆಡದಿರೂ ಎಂದೂ

ಮನವ ಕದವ ತಟ್ಟಿದೆ
ಬಗೆಹರಿಯದ ನೂರು ಪ್ರಶ್ನೆಗಳು
ಭಾವ ಸುಳಿಯ ಸೃಷ್ಟಿಸಿದೆ
ಮನದಾಳದ ಹುಸಿ ಬಯಕೆಗಳು

ಈ ಮನದ ಸುಪ್ತ ಬಂಧುವೇ
ನೀನೊಮ್ಮೆ ಬಳಿಗೆ ಬಂದು
ಈ ಬಾಳ ಅಮೃತ ಬಿಂದುವೇ
ನೀ ಬೆಳಗೂ ಮನವ ಇಂದು

ಬೆಳಗೂ ಮನವ ಇಂದು
ಓ ಭಾವಾಮೃತದ ಬಿಂದು
ಬೆಳಗೂ ಮನವ ಇಂದು
ಓ ಭಾವಾಮೃತದ ಬಿಂದೂsss

- In search of a very good friend hiding inside ourself that is the positive energy. That will give you the confidence to overcome all the obstacles in life.

ಮನುಜ ಧರ್ಮ

ಜಾತಿ ಧರ್ಮ ಭೇದ ಮರೆತು
ಪ್ರೀತಿಯಿಂದ ಬಾಳೋ ಮನುಜ
ಮನುಜ ಧರ್ಮವೇ ಮಿಗಿಲು
ಬೇರೆಲ್ಲಾ ಬದುಕಲಿ ನಶ್ವರ
               ಯಾವ ಜಾತಿ ರಕ್ತದ ಬಣ್ಣ?
               ಯಾವ ಜಾತಿ ಜೀವ ಜಲವೂ?
               ಯಾವ ಜಾತಿ ಜೀವ ವಾಯು?
               ಯಾವ ಜಾತಿ ಹೊತ್ತ ನೆಲವೂ?
ಉತ್ತರಿಸು ನಿನಗೆ ನೀನು
ದ್ವಂದ್ವತೆಯ ಪ್ರಶ್ನೆಗಳಿವು
ಸತ್ಯಾಸತ್ಯತೆಯ ಕುಲುಮೆಯಲಿ
ಜೀವನ ಸತ್ಯವ ನೀ ಶೋಧಿಸು
               ನಾಮ ಹಲವು ದೇವರೊಂದೇ
               ಪವಿತ್ರ ಗ್ರಂಥಗಳ ಸಾರವೊಂದೇ
               ಮನುಜ ಧರ್ಮವ ಮೀರಿದ
               ಧರ್ಮವಿಲ್ಲ ಈ ಭುವಿಯಲೀsss....

ಮದ್ಯಪಾನ ಸಾವಿಗೆ ಸೋಪಾನ

ಭಾವನೆಗಳೊಂದು ಅಲೆಯಂತೆ
ಅತಿಯಾದರೆ ಸುಳಿಯಂತೆ
ದಿಕ್ಕು ತಪ್ಪಿದ ನಾವೆಯಂತೆ
ಮುಳುಗುವುದೇ ಗತಿ ಟೈಟಾನಿಕ್ನಂತೆ

ಟೈಟಾನಿಕನ್ನು ಉರುಳಿಸಿತು ಐಸ್ಬರ್ಗ್
ಬಾಳನ್ನು ಉರುಳಿಸದೇ ಪೆಗ್
ತಿಳಿದರೂ ಹೊಲಸು ತಿನ್ನುವುದೊಂದೇ ಪಿಗ್
ಎಲ್ಲಕ್ಕಿಂತ ಆರೋಗ್ಯವೇ ಬಿಗ್ತಿಂಗ್

ಮದ್ಯಪಾನ ಸಾವಿಗೆ ಸೋಪಾನ
ದುಡುಕಿ ಹೆಜ್ಜೆ ಇಡದಿರಿ ಜೋಪಾನ
ಪ್ರಥಮ ಸೇವನೆ ಏನೋ ಕಂಪನ
ನೀಡುವುದು ನೋವ ಮರೆಸುವ ಹುಸಿ ಸಾಂತ್ವನ

ದಾಸರಾದರೆ ಬದುಕಿಗದುವೇ ಪಾಶಾಣ
ಕೈಬೀಸಿ ಕರೆಯುವುದು ಸ್ಮಶಾಣ
ಮರೆಯದಿರಿ ಪತಿಯಾಗಿತ್ತ ಪ್ರಮಾಣ
ಮಾಡದಿರಿ ಮುಗ್ಧ ಹೆಣ್ಣಿನ ಬಾಳ ಹರಣ

ಹೊಂಬೆಳಕು

ಅಂಧರ ಮನದಲ್ಲಿ ದೃಷ್ಟಿ ಬೆಳಕು
ಅಜ್ಞಾನಿ ಮನದಲ್ಲಿ ಜ್ಞಾನ ಬೆಳಕು
ಅನಾಥನ ಮನದಲ್ಲಿ ಮಮತೆ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಬಡವನ ಮನದಲ್ಲಿ ಭರವಸೆ ಬೆಳಕು
ಬಲ್ಲಿದನ ಮನದಲ್ಲಿ ಕರುಣೆ ಬೆಳಕು
ಮತಾಂಧನ ಮನದಲ್ಲಿ  ಏಕತೆ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಆಲಸಿ ಮನದಲ್ಲಿ ಪರಿಶ್ರಮ ಬೆಳಕು
ಪರಿಶ್ರಮಿ ಮನದಲ್ಲಿ ನೆಮ್ಮದಿ ಬೆಳಕು
ಸಾಧಕರ ಮನದಲ್ಲಿ ವಿಜಯ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ಸಾಹಸಿ ಮನದಲ್ಲಿ ಶೌರ್ಯ ಬೆಳಕು
ಕೋಪಾಂಧನ ಮನದಲ್ಲಿ ತಾಳ್ಮೆ ಬೆಳಕು
ಅತೃಪ್ತನ ಮನದಲ್ಲಿ ತೃಪ್ತಿ ಬೆಳಕು
ಮನದಂಗಳ ಬೆಳಗುವ ಹೊಂಬೆಳಕು

ನೇತ್ರದಾನ

ನೋವು- ನಲಿವಿನ ಬಾಳಿದು 

ಭಗವಂತನಿತ್ತ ಕಾಣಿಕೆ 

ಅಂಧಕಾರದ ಮನಗಳಿಗೆ 

ನಾವಾಗೋಣ ಹೊಂಬೆಳಕಿನ ದೀವಿಗೆ 

                                 ತನ್ನನ್ನು ತಾನೇ ಸುಟ್ಟುಕೊಂಡು

                                 ಬೆಳಕು ನೀಡುವುದು ದೀಪ 

                                 ನಮ್ಮ ಆತ್ಮದ ಬೆಳಕು 

                                 ನೀಗಲಿ ಅಂಧತ್ವ ಕೂಪ

ನೊಂದ ಬಾಳಿಗೆ ಬೆಳಕಾದರೆ 

ನಮ್ಮ ಜನುಮ ಸಾರ್ಥಕ 

ಜೀವಾಂತ್ಯದ ನಂತರವೂ ನೆನಪಾದರೆ 

ನಮ್ಮ ಆತ್ಮ ಸಂತುಷ್ಟಕ

                                  ಉಸಿರು ನಿಂತ ಮೇಲೆ

                                  ಕಾಯ ಮಣ್ಣಿನೊಳಗೆ 
                                  ಸತ್ತ ಮೇಲೂ ನೀನು
                                  ಬದುಕು ಮನಗಳೊಳಗೆ 

ನೀನು ಕೊಡುವ ದಾನ
ಅಂಧರ ಬಾಳ ಬೆಳಕು

ಒಯ್ಯಲಾರೆ ಏನ
ಕೊಟ್ಟು ಹೋಗು ಕಣ್ಣ
                                  ಸೇರದಿರಲಿ ಮಣ್ಣು
                                  ಕಣ್ಣು ಸೇರದಿರಲಿ ಮಣ್ಣು
                                  ಕೊಟ್ಟು ಹೋಗು ಕಣ್ಣು

                                  ಕಣ್ಣು ಸೇರದಿರಲಿ ಮಣ್ಣು

ಕೊನೆಯಾಗಲಿ ಕತ್ತಲೆಯ ಬದುಕು 

ನಮ್ಮ ದಾನಗಳಿಂದ 

ನೋಡಲಿ ಹೊಸ ಪ್ರಪಂಚ 

ನಮ್ಮ ಕಣ್ಣುಗಳಿಂದ 

                                ಅನ್ನದಾನ ಹಸಿವು ನೀಗಿದರೆ 

                                ರಕ್ತದಾನ ಜೀವ ಉಳಿಸುವುದು

                                ನೇತ್ರದಾನ ಜೀವನವನ್ನೇ ನೀಡುವುದು

                                ನೇತ್ರದಾನವಿದು ಶ್ರೇಷ್ಠದಾನ

    ಬನ್ನಿ ನಾವೆಲ್ಲಾ ಒಮ್ಮನಸ್ಸು ಮಾಡೋಣ